കുവൈത്ത് സിറ്റി: അഹമ്മദി ഗവർണറേറ്റിലെ റോഡ് പ്രവൃത്തികൾക്കായി സമൂലമായ അറ്റകുറ്റപ്പണികൾ ആരംഭിക്കാൻ പൊതുമരാമത്ത് മന്ത്രി ഡോ.നൂറ മുഹമ്മദ് അൽ മിഷാൻ നിർദ്ദേശം നൽകി. ആറ് ഗവർണറേറ്റുകളിലായി രാജ്യത്തെ വിവിധ പ്രദേശങ്ങളിലെ 18 പ്രധാന റോഡ് അറ്റകുറ്റപ്പണികൾ ഉൾപ്പെടുന്ന ഹൈവേ, ഇൻ്റേണൽ റോഡ് ജോലികൾക്കായുള്ള പുതിയ കരാറുകളുടെ ഭാഗമാണ് ഇതും. മേൽനോട്ടം, നിരീക്ഷണം, അറ്റകുറ്റപ്പണികളുടെ തുടർനടപടികൾ എന്നിവയോടെ ഏറ്റവും കൂടുതൽ മോശം അവസ്ഥയുള്ള റോഡുകളുള്ള പ്രദേശങ്ങളിൽ പ്രവൃത്തി ആരംഭിക്കും. എല്ലാ റോഡുകളും പരിഷ്‌ക്കരിക്കുകയും പരിപാലിക്കുകയും ചെയ്യുമെന്ന് അദ്ദേഹം വ്യക്തമാക്കി. മന്ത്രാലയത്തിൽ നിന്നുള്ള വർക്ക് ടീമുകൾ അറ്റകുറ്റപ്പണികളുടെ നടത്തിപ്പ് നിരീക്ഷിക്കും. സൂപ്പർവൈസിംഗ് എഞ്ചിനീയർമാരെ തിരഞ്ഞെടുക്കുന്നതിന് ഒരു കമ്മിറ്റി രൂപീകരിച്ചിട്ടുണ്ടെന്നും എഞ്ചിനീയർമാർക്കായി അവരുടെ മാനേജ്മെൻ്റ് ഉറപ്പാക്കാൻ ടെസ്റ്റുകൾ നടത്തിയിട്ടുണ്ടെന്നും പൊതുമരാമത്ത് മന്ത്രി ഡോ. നൂറ മുഹമ്മദ് അൽ മിഷാൻ പറഞ്ഞു.
