നീണ്ട ഇടവേളയ്ക്ക് ശേഷം റെഡ് ബുൾ ഏവിയേഷൻ ചലഞ്ച് വീണ്ടും കുവൈത്തിൽ തിരിച്ചെത്തുന്നു

കുവൈത്ത് സിറ്റി: പത്ത് വർഷത്തിലധികമുള്ള ഇടവേളയ്ക്ക് ശേഷം, റെഡ് ബുൾ ഏവിയേഷൻ ചലഞ്ച് ഇരട്ടി ആവേശത്തോടെ തിരിച്ചെത്തുന്നു. ഈ വർഷം ഏപ്രിൽ 18 ന് മറീന ബീച്ചിലാണ് ഇത് നടക്കുന്നത്. കുവൈത്തിൽ അവസാനമായി റെഡ് ബുൾ ഫ്ലൈറ്റ് ഡേ ചലഞ്ച് നടന്നിട്ട് 13 വർഷം കഴിഞ്ഞു. 2007, 2010, 2012 വർഷങ്ങളിലായിരുന്നു ഇതിന് മുമ്പത്തെ പതിപ്പുകൾ നടന്നത്. 30 ലധികം ധീരമായ ടീമുകൾ റാമ്പിൽ നിന്ന് പറന്നുയർന്ന് ഈ ആവേശകരമായ വെല്ലുവിളി ഏറ്റെടുക്കാൻ തയ്യാറെടുക്കുകയാണ്. ഇതിലും ആവേശകരമായ കാര്യം, 10 വർഷത്തിലധികമായി ഒരു അറബ് രാജ്യത്ത് ഫ്ലൈറ്റ് ഡേ തിരിച്ചെത്തുന്നത് ഇതാദ്യമായാണ് എന്നതാണ്. നാലോ അഞ്ചോ പേരടങ്ങുന്ന ടീമുകൾ അവരുടെ കൈകൊണ്ട് നിർമ്മിച്ച ഡിസൈനുകളുമായി മത്സരിക്കുന്നു. അവരുടെ സർഗ്ഗാത്മകത, പ്രകടനം, അവരുടെ വിമാനം പറക്കുന്ന ദൂരം എന്നിവയുടെ അടിസ്ഥാനത്തിലാണ് വിധികർത്താക്കൾ പോയിന്‍റ് നൽകുന്നത്.