അവശ്യ ഭക്ഷ്യവസ്തുക്കളുടെ സ്ഥിരതയും ലഭ്യതയും ഉറപ്പാക്കാൻ നടപടി

കുവൈത്ത് സിറ്റി: കുവൈറ്റിലുടനീളം അവശ്യ ഭക്ഷ്യവസ്തുക്കളുടെ സ്ഥിരതയും ലഭ്യതയും നിലനിർത്താൻ ലക്ഷ്യമിട്ട് വാണിജ്യ വ്യവസായ മന്ത്രാലയം തീവ്രമായ നടപടികൾ തുടരുന്നു. അടുത്തിടെ മന്ത്രാലയത്തിൽ ഒരു ഉന്നതതല ഏകോപന യോഗം നടന്നു. വിശദമായ പ്രവർത്തന പദ്ധതിക്ക് ഈ യോഗം അംഗീകാരം നൽകി. ഈ പദ്ധതി, നിയന്ത്രണ ഇൻസ്പെക്ടർമാരുടെ ഉത്തരവാദിത്തങ്ങൾ വിശദീകരിക്കുകയും സഹകരണ സംഘങ്ങളിലും മാർക്കറ്റുകളിലുമുള്ള ഫീൽഡ് മോണിറ്റർമാർക്ക് ദൈനംദിന റിപ്പോർട്ടിംഗ് ചുമതലകൾ നൽകുകയും ചെയ്യുന്നു.400-ൽ അധികം വാണിജ്യ ഇൻസ്പെക്ടർമാരെ ദിവസവും രാവിലെയും വൈകുന്നേരവുമായി രണ്ട് ഷിഫ്റ്റുകളിൽ എല്ലാ ഗവർണറേറ്റുകളിലെയും സഹകരണ സംഘങ്ങളിലും സെൻട്രൽ മാർക്കറ്റുകളിലും വിന്യസിക്കാനാണ് പദ്ധതിയിലൂടെ ഉദ്ദേശിക്കുന്നത്. അവശ്യവസ്തുക്കൾ പൂർണ്ണമായി സംഭരിച്ചിട്ടുണ്ടെന്നും ഉപഭോക്തൃ ആവശ്യകതയിൽ ഉണ്ടാകാൻ സാധ്യതയുള്ള വർദ്ധനവ് നേരിടാൻ ഔട്ട്ലെറ്റുകൾ തയ്യാറാണെന്നും ഉറപ്പാക്കുക എന്നതാണ് ഈ പരിശോധനകളുടെ ലക്ഷ്യം.